Berriak

Datorren maiatzaren 8an eta 9an urtero legez antolatzen ditugun Ate Irekin Jardunaldia gauzatuko dugu. Horretarako, aurretik zita eskatu beharko duzu gure eskolara deituz (94-4541421) edo erosoago bazaizu, zure mugikorrarekin aldameneko QR kodean aurkituko duzun formularioa beteaz.  

2024ko Heziketa-Zikloetara sarbide proben deialdiako aurrematrikulazioa gauzatzeko epea ireki da. Hauek dira datak: 2024ko urtarrilaren 22tik otsailaren 9ra arte, biak barne. Informazio osagarria 2023-12-13ko EHAAn hemen kontsultatu daiteke. Deialdiaren egutegi osoa honatx:

Gure eskolaraino gerturatzea sarritan deserosoa denik ez dago ukatzerik: Garraio publikoaren gabeziek eta trafiko pribatuaren gorakadek zaildu egiten digute sarritan gure ikastetxera eta lantokira gerturatzera. Arazo honi irtenbidea emateko asmoz, EAEko Parke Teknologikoen sareak Parke Carpool app berria jarri du gure eskura. Aplikazioa erabiltzeko, Bizkaiko Parke Teknologikoko erabiltzaileek soilik erabili dezakete eta hori egiaztatzeko, gure […]

Atzoko egunez Kolonbiako Servicio Nacional de Aprendizaje (SENA)tik etorritako ikasle taldearekin barazki kontserbak ekoizterakoan gure obradorean esperientziak trukatzen jardun ginen. Gure eskolako Katrin eta Juleneren gidaritzapean eta Tknikako Leirerekin gure eskola ezagutzeko aukera ere izan zuten. Kolonbiako nekazaritza formakuntzaren berri izateko aukera paregabea eta plazerra izan da!!!

Eskolako digitalizazio proiektuetan lagungarri izateko asmoz, aterpeko eraikinaren 3. solairuan gela eroso eta egokia prestatzen amaitu berri dugu. Gela honetan ezarri dugun lehenengo baliabidea Basogintza zikloetan erabiliko dugun #JohnDeere simuladorea izan da. Horretarako, Usurbilgo Guifor Maquinaria Forestalen laguntza izan dugu. Simuladorearen azken helburua, Basogintza ziklo guztietako ikaslegoa baso lanetako eskarmentua bertan trebatzea izango da.

2023-2024 ikasturterako ikasketa bekak online eskatzeko epea irailaren 30ean amaitzen da. Bekak eskatzeko informazio osagarria Hezkuntza Saileko webgunean eskuratu dezakezu.

Gaurko egunez, gure eskolako etorkizuneko ikasleak Zamudioko herriko ikastetxetik etorri zaizkigun bisitan. Aizkorri Aranbururen eskutik gure eskolako lorategiak, negutegia, tailerra eta oilategia ezagutzearekin batera, DBH edo Batxilergoa amaitu ondoren Lanbide Heziketa formakuntza aukera eskura dutela erakutsi diegu. Etorriko al zaizkigu!!! Eskerrikasko egindako bisitagatik eta nahi duzuen arte!!

Maiatzaren 15a eskolako jai eguna dela kontuan izan: egun horretan eskola itxita egongo da.

Gabonetako oporren bezperan eskolako jaia eta hamaiketako antolatzea ohikoa izaten da gure eskolan. Aurtengo legez, Irati Astondoa herri kirolari zeanuriarra gurean izan genuen eta bere jardueraren berri eskaini zigun hitzaldian ematearekin batera, praktikatzen dituen hainbat herri kirolen erakustaldia egin zigun. Hori gutxi balitz, gure ikaslegoak ere hamaika herri kirol praktikatuz norgehiagoka jarduteko aukera izan zuen. […]

Gaurko egunez Derio Nekazaritza Eskolan European Parnership in Hydroponics Erasmus proiektuaren kideen bisita jaso dugu. Lantaldean Europako herrialde anitzetako ordezkaritza dago, hala nola, Herbehereak (SUSP), Danimarka (Roskilde Tekniske Skolen), Suedia (NTI Gymnasiet), Belgika (EfVET) eta Euskadiri dagokionez, Tknika, Lanbide Heziketarako berrikuntzarako zentruak parte hartzen du. Tknikak antolatutako irakasleen mugikor egonaldia honetan, nazioarteko lantalde honek Derio […]

Europear Batasuneko LHko irakaslegoaren esperientzien trukaketa ekimenaren baitan, gure eskolako lorezaintza zikloko irakaslea den Urtza Sarrionandia eta Tknikako Leire Orejarekin batera aste bateko egonaldia egiten ari dira Danimarkako Roskilde Tekniske Skolen. Argazki guztiak gure fototekan